ಈ ಜೀವನ

ಈ ಜೀವನ 
*******
ಬರೆದ ಸಾಲುಗಳ ಶಬ್ಧಗಳ ನಡುವೆ ಇರುವ ಖಾಲಿ ಜಗದ ಹಾಗೆ 
ಈ ಜೀವನ 
ಪೂರ್ಣ ವಿರಾಮವಿಲ್ಲದೆ ಬರೀ ಅಲ್ಪ ವಿರಾಮವಾಗಿದೆ 
ಈ ಜೀವನ 
ಈ ಖಾಲಿ ಮತ್ತೆ ಅಲ್ಪ ವಿರಾಮಗಳಿಂದ 
ಮುಕ್ತಿ ಸಿಕ್ಕಾಗಲೇ ಪೂರ್ಣ ವಿರಾಮವಾಗುವದು 
ಈ ಜೀವನ

ನೋವು

ನೋವು 

ಮೊನ್ನೆ ಪ್ರಿಯ ಗೆಳತಿಯ ತಮ್ಮನ ಮದುವೆಯಲ್ಲಿ 

ಹೋಗಿದ್ದು ಗಂಡಿನ ಕಡೆಯಿಂದ, 

ವಧುವಿನ ಕನ್ಯದಾನದ ಸಮಯದಲ್ಲಿ

ನೀರೇಕೆ ಬಂತು ಕಣ್ಣಿಂದ,

ಅನುಭವಿಸಿದ   ನನ್ನ ಮನದಲ್ಲಿ 

ಇರುವ ಅಗಲಿಕೆಯ ನೋವಿಂದ. 

ಅಲ್ಪ ಸಂಖ್ಯಾತಳು!!

ಅಲ್ಪ ಸಂಖ್ಯಾತಳು!!

ನಾನು ಕೂಡ ಅಲ್ಪ ಸಂಖ್ಯಾತಳೇ!

ಪರೀಕ್ಷೆಯಲ್ಲಿ ಸಿಗ್ತಾ ಇತ್ತು ಅಲ್ಪ ಸಂಖ್ಯೆಗಳೇ!

ಶಾಲೆಯಲ್ಲಿ ಇದ್ದ ಗೆಳತಿಯರು ಅಲ್ಪ ಸಂಖ್ಯೆಯಲ್ಲೇ !

ನೌಕರಿಯಲ್ಲಿ ಸಿಗ್ತಾ ಇತ್ತು ಅಲ್ಪ ಸಂಬಳವೇ!

ಈಗ ಹೇಳಿ ಹೌದಲ್ಲವೋ 

ನಾನು ಕೂಡ ಅಲ್ಪ ಸಂಖ್ಯಾತಳೇ ??

ವಿಪರ್ಯಾಸ

ವಿಪರ್ಯಾಸ 

ಚಿಕ್ಕವರಿದ್ದಾಗ,

ಇವಳು ನನ್ನಮ್ಮ, ಇವಳು ನನ್ನಮ್ಮ,

ಅಲ್ಲ ಅಲ್ಲ,

ಅವಳು ನನ್ನಮ್ಮ  

ದೊಡ್ಡವರಾದಾಗ,

ನಿನ್ನ ಬಳಿ  ಇರಲಿ ಅಮ್ಮ 

ಇಲ್ಲ ಇಲ್ಲ 

ನಿನ್ನ ಬಳಿಯೇ ಇರಲಿ ಅಮ್ಮ 

...ಲ್ಲ

...ಲ್ಲ 

ರಾತ್ರಿಯೆಲ್ಲ ನಿದ್ದೆಯಿಲ್ಲ 

ಮೈ ಕೈ ನೋವಾಯಿತೆಲ್ಲ 

ಕೆಂಪಾಯಿತು ಎರಡು ಗಲ್ಲ!!

 ಆಗುತಿದ್ದ ಸಪ್ಪಳಕ್ಕೆ 

ಮನೆಮಂದಿಗೆಲ್ಲ ನಿದ್ದೆಯಿಲ್ಲ 

ಏನೇನೊ ತಿಳಿದಿರಲ್ಲ !!

ಕಾರಣ ಮಾತ್ರ ನಲ್ಲನಲ್ಲ 

ರಾತ್ರಿಯೆಲ್ಲಾ ಕರೆಂಟ್ ಇಲ್ಲ 

ಕಚ್ಚುತಿತ್ತು ಸೊಳ್ಳೆಯೆಲ್ಲ!! 

ಈ ನೆನಪುಗಳು

ಗೋರಿಯಲ್ಲಿನ  ಹೆಣ  ಥಟ್ಟನೆ ಎದ್ದು ಬಂದಂತೆ 

ಈ ನೆನಪುಗಳು 

ಬರದ ಭೂಮಿಗೆ ಒಮ್ಮೆಲೇ ಮಳೆ ಸುರಿದಂತೆ 

ಈ ನೆನಪುಗಳು 

ಮರಭೂಮಿಯಲ್ಲಿಯ ಮರೀಚಿಕೆಯ  ಹಾಗೆ 

ಈ ನೆನಪುಗಳು 

ಭಯದ, ಖುಷಿಯ,ಸಿಹಿಯ,ಕಹಿಯ 

ಈ ನೆನಪುಗಳು 

ಭೂತಕಾಲದ ಪಿಶಾಚಿ,

ವರ್ತಮಾನದ ಅನುಭವ,

ಭವಿಷ್ಯದ ಆಧಾರ

ಈ ನೆನಪುಗಳು 

ಯಾರಿಗೆ ಬೇಡ  ಯಾರಿಗೆ ಬೇಕು 

ಈ ನೆನಪುಗಳು 

ಯಾವಾಗ

ಯಾವಾಗ 

ನಿನ್ನ ಜೀವವಾಗಿದ್ದೆ,ನಿನ್ನ ಜೀವನವಾಗಿದ್ದೆ.

ಯಾವಾಗ 

ನಿನ್ನ ಬಾಳ ಜ್ಯೋತಿ ಆರಿಸುವ ಬಿರುಗಾಳಿಯಾದೆ ನಾನು?

ನಿನ್ನ ಹೃದಯದ ಪ್ರತಿ ಬಡಿತದ ಹೆಸರಾಗಿದ್ದೆ.

ಯಾವಾಗ 

ನಿನ್ನ ಉಸಿರು ಕಟ್ಟೋ ಕೆಸರಾದೆ ನಾನು?

 ನಿನ್ನ ಬಾಳಿನ ಒಂದೇ ಗುರಿಯಾಗಿದ್ದೆ.

ಯಾವಾಗ 

ನಿನ್ನನ್ನೇ ಕೊಲ್ಲುವ ಹೆಮ್ಮಾರಿಯಾದೆ ನಾನು?

ಕೋಟಿ ಜನುಮದ ಸಂಗಾತಿಯಾಗುವ 

ಕನಸು ಕಟ್ಟಿದ್ದೆ ನೀನು 

ಕೋಟಿ ಜನುಮವಲ್ಲ,ಒಂದು ಕ್ಷಣವೂ 

ಜೊತೆಯಾಗಲಿಲ್ಲ ನಾವು.

ಕೊನೆಯಾಗಲಿ ಈ ರಾತ್ರಿ ನನಗೆ 

ಆ ಸೂರ್ಯ ನೋಡಿ ನಗಲಿ ನಾಳೆಗೆ 

ಕೊನೆಯಾಗಲಿರುವ ಆ ನಾಳೆಗೆ ಕಾದು ಕುಳಿತಿರುವೆ.

ಮರಣಕ್ಕೆ ಮಹೂರ್ತ ಬಂದಿದೆ ಅಲ್ಲವೇ 

ಮರಣವೇ ಮಹಾನವಮಿಯಾಗಲಿ ನನಗೆ 

ಮರು ಜನ್ಮವಿದ್ದರೆ ನಮಗೆ,

ಮತ್ತೇ ಕೂಡೋಣ,ಕಾದಾಡೋಣ,

ಕಾಯುವೆಯಾ ಅಲ್ಲಿಯವರೆಗೂ?
ಇರುವೆಯಾ ಕೊನೆಯವರೆಗೂ?

ಹುಚ್ಚು ಖೋಡಿ ಮನಸು

ಹುಚ್ಚು ಖೋಡಿ ಮನಸು

ಹುಚ್ಚು ಖೋಡಿ ಮನಸು ನೀನು 

ಮಾತೇ ಕೇಳೋಲ್ಲ

ನನ್ನೋಳಗೆನೆ  ಇದ್ದರೂ ನೀನು

ಒಡತಿ ನಾನಲ್ಲ 

ಯಾಕೆ ನಿನಗೆ ಅವನ ಚಿಂತೆ

ನಿನ್ನ ಮನಸು ಅವನಿಗೆ ಗೊತ್ತೇ 

ಪ್ರೀತಿ ಅನ್ನೋದು ಹುಚ್ಚರ ಸಂತೆ

ಆ ನೋವು ನಿನಗೆ ಬೇಕೇ ಮತ್ತೆ

ಅವನಿಲ್ಲದೇ  ಜೀವನ ಇಲ್ಲ 

ಅನ್ನೋದೆಲ್ಲಾ ನಿಜವೇ  ಅಲ್ಲ 

ನನ್ನ ಜೀವ ನಿನ್ನದು

ನಿನ್ನ ಬಡಿತ ನನ್ನದು 

ಎಲ್ಲಾ ನೀನೇ

ಎಲ್ಲಾ ನೀನೇ  

ನನ್ನ ಮನದಂಗಳದ 

ನೆನಪಿನ ಮರದಲ್ಲಿ

ಎಲೆ ಹೂವು ಹಣ್ಣು 

ಎಲ್ಲಾ ನೀನೇ !!

ನೆನಪು

        ನೆನಪು 

ನಿನ್ನ ನೆನಪು ಬಂದಾಗ 

ಮನಸ್ಸು ಹುಚ್ಚು ಕುದುರೆ 

ಆಗಿ ಎಲ್ಲಿ ನೀ ಎಂದಾಗ 

ಹರಿಯಿತಾಗ ಕಣ್ಣೀರ ಧಾರೆ