Tuesday, December 17, 2013

गुनाह

गुनाह


हम आके ठहरें  हैं आज 
उस मुक़ाम पर;
हँस लिए तो लगता है
कुछ गुनाह करलिए। 
जीते नहीं हम, सिर्फ़ जिंदा हैं;
ऐसा लगता है सांस लेके
सौ गुनाह करलिए। 



Tuesday, December 3, 2013

ಸೋಲು


ಕತ್ತಲವ ನುಂಗಿದ 
ಬೆಳಕಿನ ಅಹಂಕಾರ 
ಸೋತಿತು  ಮತ್ತೆ
ಇರುಳು ಆವರಿಸಿದಾಗ

day and night by adypetrisor

  ಸೊಕ್ಕಿನಿಂದ 
 ಮೆರೆಯುತ್ತಿದ್ದ ಇರುಳಿಗೆ 
ಸಾಕಾಯಿತು ಬೆಳಕಿನ 
ಒಂದೇ ಕಿರಣ



ಛಾಯಾ ಚಿತ್ರ ಕೃಪೆ : ಅಂತರ್ಜಾಲ 
 

Monday, December 2, 2013

ಕನ್ನಡವ್ವನ ಸೀರೆ

ಕನ್ನಡವ್ವನ ಸೀರೆ

ನನ್ನ ಕನ್ನಡವ್ವನ ಸೀರೆ ಹರಿದು ಹೋಗಿದೆ 
ನಾವೆಲ್ಲ ವಲಸೆ ಹೋಗಿ; 
ಇದ್ದಲ್ಲೇ ಅವಳ ಮರೆತು, 
ಅನ್ಯ ಭಾಷೆಯ ತೇಪೆ ಹಚ್ಚಿ ಹೊಲಿದರೆ 
ಚೆಂದ ಕಾಣಿಸ್ತಾಳಾ ನಮ್ಮವ್ವ ?

ಅವಳಿಗೆ ಬೇಕು ಹೊಸ ಸೀರೆ ತನ್ನದೇ 
ನೋಯಿಸಬೇಕೆ ಅವಳನ್ನ?
ಕೊಡಲಾಗದೇ ಅಷ್ಟು ಕೂಡ 
ಕನ್ನಡದ ಮಕ್ಕಳು ನಾವು; 
ಅವಳ ಋಣ ನಮಗೆ ತೀರಿಸಲಾಗದೇ?

ಮುಗಿಯಿತು ನವೆಂಬರ್ 
ಕಾಯಬೇಕಾ ಅವಳು 
ಮತ್ತೆ ಒಂದು ವರುಷ?
ಬಳಿಸಿ ಕನ್ನಡ ಪ್ರತಿಕ್ಷಣ;
ಸಿಂಗರಿಸಿ ಅವಳನ್ನ 
ನಾವು ಪಡಬಾರದೇ ಹರುಷ?

Sunday, December 1, 2013

ಕಾಲ ದೀಪ


ಕಾಲ ದೀಪ 

ಸೂರ್ಯನ ಹಿಂದೆ ದೀಪ ಹಚ್ಚಿ
ಹಬ್ಬ ಮಾಡುವದನ್ನು ನೋಡಿ
ಆ ಚಂದಿರ ನಕ್ಕನಂತೆ
ದೀಪ ಹಚ್ಚಲು ಕತ್ತಲೆಗೆ ಕಾಯಬೇಕೇ?
ಬಾಳ  ಬೆಳಗಲು ಸಮಯ ನೋಡಬೇಕೇ?
ಹಚ್ಚಿದ ದೀಪ ಆರದೇ ?
ಸಮಯ ಸರಿದರೆ ಬರುವದೇ?



Wednesday, October 30, 2013

ಕಳೆದು ಹೋಗಿದೆ

ಕಳೆದು ಹೋಗಿದೆ
************
ಕಳೆದು ಹೋಗಿದೆ
ಹುಡುಕಿ ಕೊಡಿ
ಬಹಳ ಬೆಲೆಯುಳ್ಳದ್ದು
ಸಿಕ್ಕರೆ  ದಯವಿಟ್ಟು ತಿಳಿಸಿಬಿಡಿ
ಅವರು ಮಾತಾಡೋದು ಎನ್ನಡ ಎಕ್ಕಡ
ಇವರು ಮಾತಾಡೋದು ಕಹಾನ್ ಕಿಧರ್
ಎಲ್ಲರೂ ಕೇಳೋದು ಹೂ ಆರ್ ಯು ಡಿಯರ್
ಕೊನೆಗೆ ಯಾರೋ ಹೇಳಿದರು
ನಾಳೆ ನವೆಂಬರ್ ೧
ನಾಳೆ ಮಾತ್ರ ಸಿಗತ್ತೆ
ನಾಳೆ ಮಾತ್ರ ಕೇಳಿಸೊತ್ತೆ
ಬೇಗ ಹೋಗಿ ಹಿಡ್ಕೊಳ್ಳಿ
ಇಲ್ಲ ಪೂರ್ತಿ ವರ್ಷ ಹುಡ್ಕೊಳ್ಳಿ

Tuesday, October 29, 2013

ವೈರುಧ್ಯ

ವೈರುಧ್ಯ
*****
ಕಡಿಮೆ ಅಂಕ ತಗೆಯೋ ದೊಡ್ಡವಳಿಗೆ :
ಆ ಪಕ್ಕದ್ಮನೆ ಹುಡುಗಿ ಜೊತೆ ಓದು,
ಅವಳ ಜೊತೆ ಇರು,
ನಿನಗೂ ಒಳ್ಳೆ ಅಂಕ ಬರತ್ತೆ;
ಜಾಸ್ತಿ ಅಂಕ ತಗೆಯುವ ಸಣ್ಣವಳಿಗೆ :
ನಿನ್ನ ಆ ಗೆಳತಿ ಜೊತೆ ಬಹಳ ಆಟ ಆಡಬೇಡ,
ಅವಳು ದಡ್ದಳು, ನೀನು ಹಾಗೆ ಆಗ್ತಿಯ!!!!

Friday, October 18, 2013

ದೃಷ್ಟಿ (ದೋಷ)

ದೃಷ್ಟಿ (ದೋಷ)

ದುಬೈನಿಂದ ಮುಂಬೈಗೆ ಪಯಣಿಸಲು ದುಬೈ ವಿಮಾನ ನಿಲ್ದಾಣದಲ್ಲಿ ಇಮಿಗ್ರೇಷನ್ ಕ್ಲಿಯರ್ ಮಾಡಿಕೊಂಡು ಒಳಗೆ ಬಂದೆ. ವಿಮಾನ ಯಾನ ನಿಜವಾಗಿ  ತಲೆನೊವು. ವರ್ಷದಲ್ಲಿ ಒಂದು ಇಲ್ಲ ಎರಡು ಸಾರಿ ಭಾರತಕ್ಕೆ ಬಂದು ಹೋಗುತ್ತಿದ್ದೆ. ಪ್ರತಿ ಸಾರಿ,ಮೂರು ಗಂಟೆ ಮೊದಲೇ ವಿಮಾನ ನಿಲ್ದಾಣಕ್ಕೆ ಹೋಗುವುದು. ಬೋರ್ಡಿಂಗ್ ಪಾಸು ಸಿಗೋವರೆಗೂ ಟೆನ್ಶನ್. ಸಿಕ್ಕ ಮೇಲೆ ಇಮಿಗ್ರೇಷನ್ ಕ್ಲಿಯರ್ ಅಗೋವರೆಗೂ ಟೆನ್ಶನ್. ಆಮೇಲೆ ವಿಮಾನ ಬರೋವರೆಗೂ ೨ ಗಂಟೆ ಕಾಯುವ  ತಲೆನೋವು. ಮತ್ತೆ ವಿಮಾನದಲ್ಲಿ ೩ ಗಂಟೆ. ಮೊದಲೆಲ್ಲ ಒಬ್ಬಳೇ ಪ್ರಯಾಣ ಮಾಡುವುದು ಖುಷಿ ತರುತ್ತಿತ್ತು. ಒಂದು ಪುಸ್ತಕ ಹಿಡಿದು ಕುಳಿತರೆ ಅವರು ನನ್ನ ಹೆಸರನ್ನು ಘೋಷಣೆ ಮಾಡೋವರೆಗೂ ಓದ್ತಾನೆ ಇರ್ತಿದ್ದೆ. ಆದರೆ ದೊಡ್ಡವಳು ಹುಟ್ಟಿದ ಮೇಲೆ ಅವಳನ್ನು ಕರೆದುಕೊಂಡು ಒಬ್ಬಳೇ ಪ್ರಯಾಣ ಮಾಡುವದು ತುಂಬಾ ಶ್ರಮ ಅನಿಸುತ್ತಿತ್ತು. ಇದು ಎರಡನೆಯ ಬಾರಿ ಅವಳ ಜೊತೆ ಒಬ್ಬಳೇ ಪ್ರಯಾಣ, ಅವಳಿಗೆ ಮೈಯಲ್ಲಿ ಹುಷಾರಿರಲಿಲ್ಲ. ನನಗೂ ಕೆಲಸದಿಂದ ವಿಶ್ರಾಂತಿ ಬೇಕಾಗಿತ್ತು. ಹೀಗಾಗಿ ಒಮ್ಮೆಲೇ ನಿರ್ಧಾರ ಮಾಡಿ ಇವರಿಗೆ ಟಿಕೆಟ್ ವ್ಯವಸ್ಥೆ ಮಾಡಲು ಹೇಳಿ ಹೊರಟು ನಿಂತಿದ್ದೆ. ಆಫೀಸಿನಲ್ಲಿ ಕೂಡ ಏನೂ ಅನ್ನದೇ ರಜೆ ಕೊಟ್ಟರು.
ಎಮಿರೇಟ್ಸ್ ಏರ್ ವೇಸ್, ತುಂಬಾ ಒಳ್ಳೆಯ ಸೇವೆಯುಳ್ಳ ಏರ್ ವೇಸ್. ನನಗೆ ಅದರಲ್ಲಿ ಪ್ರಯಾಣ ಮಾಡುವದು ತುಂಬಾ ಖುಷಿ. ವಿಮಾನ ಬಂದದ್ದನ್ನ ಪ್ರಕಟಣೆ  ಮಾಡಿದರು. ಅವಳನ್ನು ಒಂದು ಕೈಯಲ್ಲಿ, ಬ್ಯಾಗನ್ನು  ಇನ್ನೊಂದು ಕೈಯಲ್ಲಿ ಹಿಡಿದು ಗೇಟ್ ೪ ರಲ್ಲಿ ಒಳ ಹೋದೆ. ನೇರವಾಗಿ ವಿಮಾನದ ಒಳಗೆ ಕಾಲಿಟ್ಟಿದ್ದೆ. ಗಗನ ಸಖಿ ತನ್ನ ಚಂದದ ನಗುವಿನಿಂದ ನಮ್ಮನ್ನು ಸ್ವಾಗತಿಸಿದಳು. ನನ್ನ ಮಗಳನ್ನು ಮುದ್ದು ಮಾಡಿ ಒಳಗೆ ಕಳಿಸಿದಳು. ನನ್ನ ಆಸನದ ಸಂಖ್ಯೆಯನ್ನು ಹುಡುಕಿ ನನ್ನ ಮಗಳನ್ನು ಅಲ್ಲಿ ಹುಷಾರಾಗಿ ಮಲಗಿಸಿದೆ. ನನ್ನ ಲಗೇಜನ್ನ ತಲೆ ಮೇಲೆ ಇರುವ ಬ್ಯಾಗೆಜ್ ಕ್ಯಾಬಿನಿನಲ್ಲಿ ಇಟ್ಟು ಅವಳನ್ನು ಕೈಯಲ್ಲಿ ಹಿಡಿದು ನನ್ನ ಅಕ್ಕ ಪಕ್ಕದಲ್ಲಿರುವವರ ಕಡೆಗೆ ಕಣ್ಣು ಹಾಯಿಸಿದೆ. ನನ್ನ ಪಕ್ಕದ ಸೀಟಿನಲ್ಲಿ ಇನ್ನೊಬ್ಬ ಮಹಿಳೆ ಇದ್ದಳು. ಅವಳ ಕೈಯಲ್ಲೂ ಒಂದು ಮಗು. ಅದು ಮೊದಲನೇ ಆಸನ. ಚಿಕ್ಕ ಮಕ್ಕಳಿದ್ದ ತಾಯಂದಿರಿಗೆ  ಮೀಸಲು.ಆಸನದ ಮುಂದೆ ದೊಡ್ಡ ಗಟ್ಟಿ ಪಾರ್ಟಿಶನ್ ಇದ್ದು ಅಲ್ಲಿ ಬೇಬಿ ಕಾಟನ್ನು ತೂಗು ಬಿಟ್ಟಿರುತ್ತಾರೆ. ತಾಯಂದಿರು ಅಲ್ಲಿ ಮಗುವನ್ನು ಮಲಗಿಸಿ ತಾವು ಅರಾಮವಾಗಿ ಕುಳಿತುಕೊಳ್ಳಬಹುದು. 
 

ನನ್ನ ಬಲಗಡೆಯಲ್ಲಿ ಒಬ್ಬ ವಯಸ್ಸಾದ ತಾಯಿ ಮತ್ತು ಮಧ್ಯ ವಯಸ್ಸಿನ ಯುವಕ ಕುಳಿತಿದ್ದರು. ಆ ತಾಯಿಯನ್ನು ನೋಡಿದೊಡನೆ ಥಟ್ಟನೆ ಯಾರೂ  ಹೇಳಬಹುದಿತ್ತು ಅವರು ಕೇರಳದವರು ಎಂದು. ಆ ಯುವಕನ ಕೈಲ್ಲಿ ದಪ್ಪನೆಯ ಆಂಗ್ಲ  ಪುಸ್ತಕ. ಓದುತ್ತ ಕುಳಿತಿದ್ದ. ಕುತೂಹಲದಿಂದ ನೋಡಿದೆ ಅದು " ಹ್ಯಾರಿ ಪಾಟರ್ ಸಿರೀಸ್ ". ಆ ತಾಯಿ ತನ್ನ ಕೈಯಲ್ಲಿದ್ದ ಡಬ್ಬಿಯಿಂದ ಯಾವುದೊ ಕುರುಕಲು ತಿಂಡಿಯನ್ನು ಅವನಿಗೆ ತಿನಿಸುತ್ತ್ತಿದ್ದಳು. ನಗು ಬಂತು. ಇಷ್ಟು ದೊಡ್ಡ ವಯಸ್ಸಿನ ಮಗ, ಪುಸ್ತಕ ಓದುತ್ತಿದ್ದಾನೆ, ತಾಯಿ ತಿನಿಸುತ್ತಿದ್ದಾಳೆ. ಅವನು ಆರಾಮವಾಗಿ  ತಿನ್ನುತ್ತಿದ್ದಾನೆ. ಆ ತಾಯಿಯ ಮಮತೆಯ ಮೇಲೆ ಮಮತೆಯೂ  ಉಕ್ಕಿ ಬಂತು. ಅವನ ಮೇಲೆ ಏನೋ ಬೇಜಾರು ಕೂಡ ಆಯಿತು. ಸುಮ್ಮನೆ ನನ್ನ ಮಗಳ ಮೇಲೆ  ಗಮನ ಹರಿಸಿದೆ. ವಿಮಾನ ಟೇಕಾಫ್ ಮಾಡುವಾಗ ಅವಳು ಎಚ್ಚರವಿದ್ದರೆ ಅವಳಿಗೆ ಕಿವಿ ನೋವು ಬರಬಹುದು ಅನ್ನುವ ಭಯಕ್ಕೆ ಅವಳನ್ನು ಮಲಗಿಸುವದು ಮುಖ್ಯವಾಗಿತ್ತು ನನಗೆ. ಅದು ಎಷ್ಟೋ ಜನರ ಅನುಭವ.
ಸ್ವಲ್ಪ ಹೊತ್ತಿಗೆ ನನ್ನ ಮಗಳು ಮಲಗಿದಳು. ಅವಳನ್ನು ನನ್ನ ಎದುರಿಗಿರುವ ಬೇಬಿ ಕಾಟಿನಲ್ಲಿ ಮಲಗಿಸಿದೆ. ವಿಮಾನ ಹಾರುವ ಸಮಯವಾಯಿತು. ಗಗನ ಸಖಿ ಸುರಕ್ಷಾ ಪಟ್ಟಿಯನ್ನು ಹೇಗೆ ಉಪಯೋಗಿಸಬೇಕು ಎಂದು ತೋರಿಸುತ್ತಿದ್ದಳು. ಪಕ್ಕದಲ್ಲಿ ಇನ್ನು ತಿಂಡಿ ಸಮಾರಾಧನೆ ನಡೆದಿತ್ತು. ಆ ಪುಸ್ತಕವನ್ನು ಈಗಲೇ  ಓದಿ ಮುಗಿಸುತ್ತಾನೇನೋ ಅನ್ನಿಸಿತು.
ವಿಮಾನ ಹಾರಿದ ಸ್ವಲ್ಪ ಹೊತ್ತಿನ ನಂತರ ಗಗನಸಖಿಯರು ಊಟದ ಗಾಡಿಯನ್ನು  ತಗೆದುಕೊಂಡು ಬಂದು ಎಲ್ಲರಿಗೂ ಹಂಚಲು ಶುರು ಮಾಡಿದರು.ವೆಜ್ಜಾ? ನಾನ್ ವೆಜ್ಜಾ ?,ಕೇಳಿದ್ದನ್ನು ಕೊಡ್ತಾ ಬಂದರು. ನಾನು ಒಂದು ಊಟದ ಬಾಕ್ಸ್ ತಗೊಂಡು ಮುಂದಿನ ಫೋಲ್ಡಿಂಗ್ ಟೇಬಲ್ ಮೇಲೆ ಇಟ್ಟೆ. ಪಕ್ಕದ ಯುವಕ ಮತ್ತು ತಾಯಿ ಕೂಡ ತಗೆದುಕೊಂಡರು. ಮನದಲ್ಲಿ ವಿಚಾರ ಬಂತು, ಊಟಾನೂ  ತಾಯಿನೆ ಮಾಡಿಸಬೇಕೆನೋ? ಅಷ್ಟು ಮಾಡಲಾರದ ಮನುಷ್ಯ ಮುಂದೆ ಜೀವನದಲ್ಲಿ ಏನು ಸಾಧಿಸಿಯಾನು? ಇಂಥಹ ಮಕ್ಕಳಿಂದ ತಾಯಿಗೇನು ಸುಖ? ದೇಶವನ್ನೇನು ಉದ್ಧಾರ ಮಾಡಿಯಾರು?
ಅವಳು ಏಳುವದರಲ್ಲಿ ಮುಗಿಸಬೇಕು ಎಂದುಕೊಂಡು ನಾನು ಆಗಲೇ ಊಟ ಶುರು ಮಾಡಿದ್ದೆ. ಇನ್ನೇನು ಆ ಯುವಕ ಊಟ ಮಾಡಬೇಕು ಅಂತ ಪ್ಲೇಟ್ ತಗೆದ, ಅಷ್ಟರಲ್ಲಿ ವಿಮಾನದಲ್ಲಿ ಘೋಷಣೆ "ದಯವಿಟ್ಟು ಯಾರಾದರೂ ವೈದ್ಯರಿದ್ದರೆ ಬೇಗನೆ ಬನ್ನಿ, ಎಮರ್ಜೆನ್ಸಿ"(ಪ್ರಯಾಣಿಕರ ಡಿಟೇಲ್ ಓದಲು ಸಮಯ ಇರಲಿಲ್ಲವೇನೋ?), ಯಾರೋ ಮಹಿಳೆಗೆ ಲಘು ಹೃದಯಾಘಾತವಾಗಿತ್ತು. ನೋವಿನಿಂದ ನರಳುತ್ತಿದ್ದಳು.
ಆ ಯುವಕ ತನ್ನ ಪ್ಲೇಟ್ ಬಿಟ್ಟು ಓಡಿ ಹೋದ. ಅವನು ವೈದ್ಯನಂತೆ. ವಿಮಾನ  ಮುಂಬೈ ಮುಟ್ಟುವವರೆಗೂ ಆ ಮಹಿಳೆಯ ಜೊತೆ ಇದ್ದು ಅವಳ ಚಿಕಿತ್ಸೆ ಮಾಡಿದ್ದ. ಅವನಿಂದ ಆ ಮಹಿಳೆಯ ಜೀವ ಉಳಿದಿತ್ತು.  

ಅವನ ಆಸನದ  ಮುಂದಿನ ಪ್ಲೇಟ್ ನನ್ನ ನೋಡಿ ನಗುತ್ತಿತ್ತು. 

ಪ್ರಯಾಣ ಜೀವನದ ಹಾಗೆ.ನಮಗೆ ಏನೆಲ್ಲ ಪಾಠ ಕಲಿಸಿಕೊಡುತ್ತದೆ.
ಚಿತ್ರಕೃಪೆ http://en.wikipedia.org/wiki/Emirates_SkyCargo

Tuesday, October 15, 2013

ಮರು-ಭೂಮಿ-ಸಮುದ್ರ

 
ಮರು-ಭೂಮಿ-ಸಮುದ್ರ
****************
 
 
ಅಳುವ ಮನದ ಕಣ್ಣಿರು
ಹೊರ ಬರುವ ಹಾಗಿದ್ದರೆ 
ಜಗತ್ತಿನಲ್ಲಿರುವ
ಈ ಭೂಮಿಯೂ ಸಹ ಸಮುದ್ರವಾಗುತ್ತಿತ್ತು
ಬೇಡ
ಅದು ಭೂಮಿಯಾಗಿಯೇ ಉಳಿಯಲಿ
ಕಣ್ಣಿರು ಮನದಲೇ ಬತ್ತಿ ಮನಸು
ಮರುಭೂಮಿಯಾಗಲಿ


Wednesday, September 25, 2013

__ ದೀಪ

 ಈ ಹನಿಗವನ ಒಂಥರಾ ಹಳೆ ವೈನ್, ಹೊಸ ಬಾಟಲಿ ಇದ್ದ ಹಾಗೆ, ಬಹಳ ಜನ ಈ ದೀಪದ ಮೇಲೆ ಇವೇ ಶಬ್ದಗಳನ್ನ ಉಪಯೋಗಿಸಿ ಬರೆದಿದ್ದಾರೆ, ನಾನು ಕೂಡ ಶಬ್ದಗಳನ್ನ ಆಚೀಚೆ ಮಾಡಿ ಬರೆಯುವ ಪ್ರಯತ್ನವನ್ನು ಮಾಡಿದ್ದೇನೆ.

ದೀಪ

ದೀಪ ಉರಿಯುವದಲ್ಲ 
      ವಿಶೇಷ
ಅದು ಪ್ರಕೃತಿ ನಿಯಮ  
ಉರಿಯುವದು
           ಅದರ ಕರ್ಮ
ತಿಳಿಯಿರಿ ಉರಿವ
           ಹಿಂದಿನ ಮರ್ಮ
ದೇವರ ಮುಂದೆ
           ನಂದಾ  ದೀಪ
ಸತ್ತ ಮನೆಯಲ್ಲಿ
          ಸೂತಕದ ದೀಪ
ಕತ್ತಲಲ್ಲಿರುವರಿಗೆ ಬೆಳಕು ನೀಡಿ
           ದಾರಿ ದೀಪ
ಹಾರುವ ಗಾಳಿಗೆ ಜೊತೆಗೂಡಿ
            ಬೆಂಕಿದೀಪ
ಈಗ ಹೇಳಿ
           ನೀವಾವ ದೀಪ?

Thursday, September 19, 2013

ಕೋರಿಕೆ

ಕೋರಿಕೆ

******** 

ನನ್ನ ಪ್ರೀತಿಯ ಹುಡುಗಾ ತಗೆದುಕೋ
ಆ ಸಾಗರದಡಿಯ ಮುತ್ತುಗಳಿಗಿಂತ 

ಜಾಸ್ತಿ ಸಿಹಿ ಮುತ್ತುಗಳನ
ಎಣಿಸಲಸಾಧ್ಯವಾದ ತೆರೆಗಳಿಗಿಂತ  
ಜಾಸ್ತಿ ಅಪ್ಪುಗೆಗಳನ
ಆಕಾಶದೊಳಗಿನ ತಾರೆಗಳಿಗಿಂತ 
ಜಾಸ್ತಿ ನನ್ನ ಮುಗುಳ್ನಗೆಗಳನ
ಆದರೆ ಕೊಡುವದಿಲ್ಲ  ಮಾತ್ರ
ಸಾಗರದಾಳದ ನನ್ನ ಮನಸಿನ ನೋವನ್ನ
ತೆರೆಗಳಿಗಿಂತ ಜೋರಾಗಿ ಬರುವ ಅಳುವನ್ನ
ತಾರೆಗಳ ಹಿಂದಿನ ಕತ್ತಲಿನಷ್ಟಿರುವ ದುಃಖವನ್ನ

Sunday, August 25, 2013

ಈರುಳ್ಳಿ ಹಾಗು (ಮೊಸಳೆ) ಕಣ್ಣೀರು

ಈರುಳ್ಳಿ ಹಾಗು (ಮೊಸಳೆ) ಕಣ್ಣೀರು
***********************

ಈರುಳ್ಳಿ ಬೆಲೆ ಎರಿತು  ಗಗನಕ್ಕೆ
ಅಳು ಏರಿತು ತಾರಕಕ್ಕೆ
ಅತ್ತದ್ದು ಎಷ್ಟು ದಿನ?
ತಿನ್ನೋದು ಬಿಟ್ಟಿದ್ದು ಎಷ್ಟು ಜನ
Crying Onion Royalty Free Stock Images - Image: 14806619


ಅಳು ಕೇಳಿದ ಸರಕಾರ
ಹಾಕಿದ್ದು ಬರೀ  (ಮೊಸಳೆ)ಕಣ್ಣೀರು
ಗೊತ್ತಾದರೂ ಏನು ಮಾಡುವರು
ಶ್ರೀಸಾಮಾನ್ಯರು ಇವರು

ಇದೆಲ್ಲಾ ಆಗಿದೆ ಅವರಿಗೆ ರೂಢಿ
ದುಷ್ಟ ಬುದ್ಧಿಯೆಲ್ಲಾ ಕೂಡಿ
ಮಾಡಿದ್ದಾರೆ  ಇವರಿಗೆ ಮೋಡಿ
ಎಷ್ಟು ದಿನ ಈ (ಮೊಸಳೆ)ಕಣ್ಣೀರು ಕಾದು ನೋಡಿ
ಚಿತ್ರ ಕೃಪೆ ಇಲ್ಲಿ

Wednesday, August 14, 2013

ಸ್ವತಂತ್ರ ದೇಶ

ಸ್ವತಂತ್ರ ದೇಶ
***********
ಸ್ವಾತಂತ್ರ್ಯ ಬಂದು ಆಯಿತು
ವರುಷ ಆರವತ್ತೇಳು
ಪ್ರತಿ  ವರುಷವೂ ಆಯಿತು
ಬರಿ ಅಳುವದೇ ಈ ದೇಶದ ಗೋಳು

ಯಾರು ಬಂದರೂ ಏನೇ ಆದರೂ
ನಮಗಿಲ್ಲ ಒಂದಿಷ್ಟು ಖಬರೂ
ನಾವು ಮಾತ್ರ ಮಲಗಿದ್ದೇವೆ
ಹಾಸಿ ಹೊದ್ದು ಚದ್ದರು

ಗೆದ್ದ ನಾಯಕರಿಗೆ ಬಂದಿದೆ
ದುಡ್ಡಿನ ಅಮಲು
ಅವರಿಗೆ ನೀಡಿ
ದೇಶದ ನೇಗಿಲು
ಅದಕ್ಕೆ ಹಿಡಿಸಿದ್ದೇವೆ
ಪೂರ್ತಿ ಗೆದ್ದಲು

ಸೋತ ನಾಯಕರ ಸುಳ್ಳು
ಭರವಸೆಗಳು ಮಾಡುತ್ತಿವೆ
ಜನ ಸಾಮಾನ್ಯನ
ಜೀವನವ ಪೊಳ್ಳು

ಆದರೂ  ಆಚರಿಸಿ
ಚೆನ್ನಾಗಿ ಸ್ವಾತಂತ್ಯೋತ್ಸವ
ಯಾಕೆಂದರೆ ಸಿಗುವದು
ಒಂದು ದಿನ ರಜಾ
ಮಾಡಲು ಪೂರ್ತಿ ಮಜಾ





Sunday, July 28, 2013

ಕಾಣದ ಕೈಗಳ ಆಟ

ಕಾಣದ ಕೈಗಳ ಆಟ
****************** 

ಮಧ್ಯಾಹ್ನದ ಬಿಸಿ ಊಟ 
ಸಾಕು ಮಕ್ಕಳ ಪರದಾಟ 
ನಿಲ್ಲಿಸಿ ಹೆತ್ತವರ ಗೋಳಾಟ 
ಸಾಕು ಮಾಡಿ 
ಕಣ್ಣೋರಿಸುವ ಈ ಆಟ 

ಕೊಡುವದಾದರೆ ಕೊಡಿ 
ನಮಗೆ ಕೈ ತುಂಬಾ ಕೆಲಸ 
ಮಕ್ಕಳಿಗೆ ಮೈ ತುಂಬಾ ದಿರಿಸ 
ತಿನಿಸುವೆವು ಅವರಿಗೆ ನಾವೇ 
ಪ್ರೀತಿಯಿಂದ ಬಿಸಿ ಊಟ
ಬಿಸಿ ಊಟ 

Friday, July 19, 2013

ಬುದ್ಧ, ನಾನು ಮತ್ತು ನೀನು

ಬುದ್ಧ, ನಾನು ಮತ್ತು ನೀನು 
******************

ದೇವರ ಧ್ಯಾನ ಮಾಡಿದ ಬುದ್ಧನಿಗೆ
ಸಾವಿರಾರು ಅನುಯಾಯಿಗಳು
ನಿನ್ನ ಧ್ಯಾನ ಮಾಡಿದ ನನಗೆ
ನೂರಾರು ಶತ್ರುಗಳು

ಮನಶಾಂತಿಗಾಗಿ ಮನೆಯನ್ನು ಬಿಟ್ಟ ಆ  ಬುದ್ಧ
ಪೂರ್ತಿ ಸಂಸಾರವೇ ಅವನ ಮನೆಯಾಯಿತು
ನಿನಗಾಗಿ ಮನೆಯನ್ನು ಬಿಟ್ಟ ನಾನು
ಹುಚ್ಚನ ಹಾಗೆ ಸಂಸಾರವೆಲ್ಲ  ಅಲೆದಾಡಿದೆ.


ಸಾವಿಲ್ಲದ ಮನೆಯ ಸಾಸಿವೆಯ ತರ ಹೇಳಿ
ಸಂತೈಸಿದ ಆ ಬುದ್ಧ
ನೀನಿಲ್ಲದ ಮನೆಯಲ್ಲಿ ಸಾಸಿವೆಗೂ 
ಸಾವು ಅಂದೆ ನಾನು

ಆಸೆಯೇ ದುಃಖಕ್ಕೆ ಮೂಲ 
ಉಪದೇಶಿಸಿದ ಆ ಬುದ್ಧ
ನಿನ್ನ ಜೊತೆ ಇರುವ ಆಸೆ ನನಸಾದಾಗ
ಸೇರಿತು ಉಪದೇಶ ಮೂಲೆ

ಬುದ್ಧನಿಗೆ ಜ್ಞಾನೋದಯ ಆಗಿದ್ದು
ಬೋಧಿ ವೃಕ್ಷದ  ಕೆಳಗೆ
ನನಗೆ ಪ್ರೇಮೋದಯ  ಆಗಿದ್ದು
ನಿನ್ನ ಮನೆಯ ಒಳಗೆ

Thursday, July 4, 2013

ಹಣತೆ ಮತ್ತು ನೀನು

ಜಾಣೆ 
ಹತ್ತಲೇ ಇಲ್ಲ ಹಣತೆ
ಅದಕ್ಕೂ ಗೊತ್ತಾಗಿದೆ
ನೀನಿದ್ದಾಗ ಅದರ
ಅವಶ್ಯಕತೆ ಇಲ್ಲ ಎಂದು

ಸವತಿ 
ಈ ಹಣತೆಗೇನೋ ಒಂಥರಾ
ಮತ್ಸರ ನಿನ್ನೊಡನೆ
ನಾನಾರಿಸುವೇನಲ್ಲ ಅದನ್ನ
ನೀ ಬಳಿ ಬಂದೊಡನೇ

ವ್ಯತ್ಯಾಸ 
ಹಣತೆ ಉರಿಯತ್ತೆ 
ಜಗಕೆ ಬೆಳಕು ನೀಡಲು 
ನೀನು ಉರಿಯುತ್ತಿ ನಾ 
ನಿನ್ನ ಮಾತು ಕೇಳಲಿಲ್ಲ ಎಂದು

ರಹಸ್ಯ 
ಗೆಳತಿಯರೇ
ನೀನು ಮತ್ತು ಹಣತೆ
ಅದಕ್ಹೇಗೆ ಗೊತ್ತು
ನಮ್ಮಿಬ್ಬರ ಎಲ್ಲ ಮಾತುಕತೆ



ವ್ಯಂಗ್ಯ 
ಹಣತೆ ಮುಂಜಾನೆ ನನ್ನ
ನೋಡಿ ನಕ್ಕಾಗಲೇ
ತಿಳಿಯಿತು
ಅದು ಕೂಡ ರಾತ್ರಿಯೆಲ್ಲ
ಎಚ್ಚರವಿತ್ತು

ಪರಿಣಾಮ 
ದುರುದುರನೆ ನನ್ನ
ನೋಡಿತು ಹಣತೆ
ಅದಕೂ  ಕೋಪ
ನಿನಗೆ ಬೆನ್ನು ಮಾಡಿ
ಮಲಗಿದ ನನ್ನ ಮೇಲೆ

ಸಾಮ್ಯತೆ 
ಹಣತೆ ಮತ್ತು ನೀನು
ಇಬ್ಬರು ಸುಂದರಿಯರೇ
ಅದು  ದುಂಡಗೆ ಅಗಲವಾಗಿದೆ
ನೀನು ಅಷ್ಟೇ


image source: google

Tuesday, July 2, 2013

ಈ ಕಣ್ಣೀರು

ನಾನು ಹಿಂದಿಯಲ್ಲಿ ಬರೆದ ಕವಿತೆಯನ್ನು ಕನ್ನಡದಲ್ಲಿ ಅನುವಾದಿಸುವ ಪ್ರಯತ್ನವನ್ನು ಮಾಡಿದ್ದೇನೆ. ನಿಮ್ಮ ಅಭಿಪ್ರಾಯಗಳನ್ನು ಆಶಿಸುತ್ತೇನೆ. 
ಹಿಂದಿ ಕವಿತೆಯ ಲಿಂಕ್ : आँसूं

ಈ ಕಣ್ಣೀರು 

ಅವನ ನೆನಪುಗಳು ಅಳಿಯುವದಿಲ್ಲ 
ಈ ಕಣ್ಣೀರು ಮುಗಿಯುವದಿಲ್ಲ 
ನೆನಪುಗಳ ಜೊತೆ ಮುನಿಸಾಗಲೋ 
ಈ ಕಣ್ಣೀರನ್ನು ತಡೆಯಲೋ 

ನೆನಪುಗಳು ಅವನವೇ 
ಕಣ್ಣೀರು  ಅವನಿಂದಲೇ 
ಮನಸ್ಸೇ ಹೇಗೆ ತಿಳಿಸಲಿ ನಿನಗೆ 
ಇನ್ನು ಇದೇ ನಿನ್ನ ಕತೆ 
ಇದೇ ನಿನ್ನ ವ್ಯಥೆ

Tuesday, June 25, 2013

ವಾಸ್ತವ

ವಾಸ್ತವ
~~~~~ 




ಕೈ ಕೈ  ಹಿಡಿದೇ  ನಡೆದೆವು 
ಸಾಗರದ ಮರಳಿನ ಮೇಲೆ 
ಹಿಂದುರಿಗಿ ನೋಡಿದಾಗ ಕಂಡವು 
ನನ್ನ ಹೆಜ್ಜೆ ಗುರುತು ಮಾತ್ರ 

ಒಬ್ಬರಿಗೊಬ್ಬರು ಅಂಟಿಯೇ 
ನಿಂತಿದ್ದು ಕನ್ನಡಿಯ ಮುಂದೆ 
ಪ್ರತಿಬಿಂಬದಲ್ಲಿ ಕಂಡಿತು 
ನನ್ನ ದೇಹ ಮಾತ್ರ 

 ಕೂಡಿಯೇ ಕನಸು ಕಂಡೆವು
                                ಪ್ರತಿ ಕ್ಷಣ ಜೊತೆಗಿರುವೆವೆಂದು 
                                 ಎಚ್ಚರವಾದಾಗ ಉಳಿದಿದ್ದು 
                                     ನಾನೊಬ್ಬಳು  ಮಾತ್ರ 

                                         photos:google source

Thursday, June 20, 2013

???

         ???
         
ನೀ ನನ್ನ ಜೊತೆಗಿದ್ದರೆ 
ಈ ಜಗತ್ತನ್ನೇ ಗೆಲ್ಲುವೆ 
ಅಂದಿದ್ದ ಆ ಹುಡುಗ 
ವಿಷ ಸೇವಿಸಿದ್ದು ?

ಅವಳು ಬೇರೆಯವರ ಸ್ವತ್ತು 
ಎಂದು ಗೊತ್ತಿದ್ದೂ 
ಅವಳನ್ನೇ ಜೀವಕ್ಕಿಂತ
ಹೆಚ್ಚಾಗಿ ಪ್ರೀತಿಸಿದ್ದು?

ನೀನೆ ನನ್ನ ದಾರಿ ದೀಪ 
ಅಂದ ಆ ಹುಡುಗಿ 
ಬೇರೆಯವನ ಬಾಳಿನ 
ನಂದಾ ದೀಪವಾಗಿದ್ದು ?

ತನ್ನ ತನು ಮನವನ್ನು 
ಇವನಿಗರ್ಪಿಸಿ 
ಪೂರ್ತಿ ಜೀವನವನ್ನೇ 
ಬೇರೆಯವನಿಗೆ ಕೊಟ್ಟದ್ದು?






Saturday, June 8, 2013

ख्वाहिश


ख्वाहिश

दिल में एक ख्वाहिश है, 
सिर्फ एक बार मिल जाए वो
मेरी आखरी सांस लेने से पेहले ,
नहीं मरना चाहती हूँ उनसे 
माफ़ी मिलने  से पहलेI 


Wednesday, June 5, 2013

ಈ ಜೀವನ


ಈ ಜೀವನ 
*******
ಬರೆದ ಸಾಲುಗಳ ಶಬ್ಧಗಳ ನಡುವೆ ಇರುವ ಖಾಲಿ ಜಗದ ಹಾಗೆ 
ಈ ಜೀವನ 
ಪೂರ್ಣ ವಿರಾಮವಿಲ್ಲದೆ ಬರೀ ಅಲ್ಪ ವಿರಾಮವಾಗಿದೆ 
ಈ ಜೀವನ 
ಈ ಖಾಲಿ ಮತ್ತೆ ಅಲ್ಪ ವಿರಾಮಗಳಿಂದ 
ಮುಕ್ತಿ ಸಿಕ್ಕಾಗಲೇ ಪೂರ್ಣ ವಿರಾಮವಾಗುವದು 
ಈ ಜೀವನ

Saturday, June 1, 2013

ನೋವು



ನೋವು 

ಮೊನ್ನೆ ಪ್ರಿಯ ಗೆಳತಿಯ ತಮ್ಮನ ಮದುವೆಯಲ್ಲಿ 
ಹೋಗಿದ್ದು ಗಂಡಿನ ಕಡೆಯಿಂದ, 
ವಧುವಿನ ಕನ್ಯದಾನದ ಸಮಯದಲ್ಲಿ
ನೀರೇಕೆ ಬಂತು ಕಣ್ಣಿಂದ,
ಅನುಭವಿಸಿದ   ನನ್ನ ಮನದಲ್ಲಿ 
ಇರುವ ಅಗಲಿಕೆಯ ನೋವಿಂದ. 

Thursday, May 23, 2013

ಅಲ್ಪ ಸಂಖ್ಯಾತಳು!!




ಅಲ್ಪ ಸಂಖ್ಯಾತಳು!!

ನಾನು ಕೂಡ ಅಲ್ಪ ಸಂಖ್ಯಾತಳೇ!
ಪರೀಕ್ಷೆಯಲ್ಲಿ ಸಿಗ್ತಾ ಇತ್ತು ಅಲ್ಪ ಸಂಖ್ಯೆಗಳೇ!
ಶಾಲೆಯಲ್ಲಿ ಇದ್ದ ಗೆಳತಿಯರು ಅಲ್ಪ ಸಂಖ್ಯೆಯಲ್ಲೇ !
ನೌಕರಿಯಲ್ಲಿ ಸಿಗ್ತಾ ಇತ್ತು ಅಲ್ಪ ಸಂಬಳವೇ!
ಈಗ ಹೇಳಿ ಹೌದಲ್ಲವೋ 
ನಾನು ಕೂಡ ಅಲ್ಪ ಸಂಖ್ಯಾತಳೇ ??

Wednesday, May 22, 2013

ವಿಪರ್ಯಾಸ

ವಿಪರ್ಯಾಸ 


ಚಿಕ್ಕವರಿದ್ದಾಗ,
ಇವಳು ನನ್ನಮ್ಮ, ಇವಳು ನನ್ನಮ್ಮ,
ಅಲ್ಲ ಅಲ್ಲ;
ಅವಳು ನನ್ನಮ್ಮ  

ದೊಡ್ಡವರಾದಾಗ,
ನಿನ್ನ ಬಳಿ  ಇರಲಿ ಅಮ್ಮ 
ಇಲ್ಲ ಇಲ್ಲ;
ನಿನ್ನ ಬಳಿಯೇ ಇರಲಿ ಅಮ್ಮ 


Monday, May 20, 2013

...ಲ್ಲ


...ಲ್ಲ 

ರಾತ್ರಿಯೆಲ್ಲ ನಿದ್ದೆಯಿಲ್ಲ 
ಮೈ ಕೈ ನೋವಾಯಿತೆಲ್ಲ 
ಕೆಂಪಾಯಿತು ಎರಡು ಗಲ್ಲ!!
 ಆಗುತಿದ್ದ ಸಪ್ಪಳಕ್ಕೆ 
ಮನೆಮಂದಿಗೆಲ್ಲ ನಿದ್ದೆಯಿಲ್ಲ 
ಏನೇನೊ ತಿಳಿದಿರಲ್ಲ !!
ಕಾರಣ ಮಾತ್ರ ನಲ್ಲನಲ್ಲ 
ರಾತ್ರಿಯೆಲ್ಲಾ ಕರೆಂಟ್ ಇಲ್ಲ 
ಕಚ್ಚುತಿತ್ತು ಸೊಳ್ಳೆಯೆಲ್ಲ!! 

Wednesday, May 15, 2013

ಈ ನೆನಪುಗಳು



ಗೋರಿಯಲ್ಲಿನ  ಹೆಣ  ಥಟ್ಟನೆ ಎದ್ದು ಬಂದಂತೆ 
ಈ ನೆನಪುಗಳು 

ಬರದ ಭೂಮಿಗೆ ಒಮ್ಮೆಲೇ ಮಳೆ ಸುರಿದಂತೆ 
ಈ ನೆನಪುಗಳು 

ಮರಭೂಮಿಯಲ್ಲಿಯ ಮರೀಚಿಕೆಯ  ಹಾಗೆ 
ಈ ನೆನಪುಗಳು 

ಭಯದ, ಖುಷಿಯ,ಸಿಹಿಯ,ಕಹಿಯ 
ಈ ನೆನಪುಗಳು 

ಭೂತಕಾಲದ ಪಿಶಾಚಿ,
ವರ್ತಮಾನದ ಅನುಭವ,
ಭವಿಷ್ಯದ ಆಧಾರ
ಈ ನೆನಪುಗಳು 

ಯಾರಿಗೆ ಬೇಡ  ಯಾರಿಗೆ ಬೇಕು 
ಈ ನೆನಪುಗಳು 

Thursday, March 7, 2013

W O M E N- Happy Women's Day

Hi All,
Today, came on FB and saw many wishes on Women's Day.. Searched few wishes on Google to put on my status, but not so happy with anything.
Then thought of writing something on the Word WOMEN itself. When I observed the word I got many words in that one WORD: Still can make many words, but I left 3 words...
So here it goes...

WOMEN
There is WE in women, 
who always think as WE not only ME!
There is NEW in women
who always think about doing something new
There is OMEN in women
who always think good about others.
There is NOW in women,
who always(Now) is ready to serve others.
There is OWN in women
who knows her ownself
There is ME in Women,

HAPPY WOMEN'S DAY to ME and all the wonderful women in the World....


Friday, February 1, 2013

ಯಾವಾಗ



ಯಾವಾಗ 


ನಿನ್ನ ಜೀವವಾಗಿದ್ದೆ,ನಿನ್ನ ಜೀವನವಾಗಿದ್ದೆ.
ಯಾವಾಗ 
ನಿನ್ನ ಬಾಳ ಜ್ಯೋತಿ ಆರಿಸುವ ಬಿರುಗಾಳಿಯಾದೆ ನಾನು?

ನಿನ್ನ ಹೃದಯದ ಪ್ರತಿ ಬಡಿತದ ಹೆಸರಾಗಿದ್ದೆ.
ಯಾವಾಗ 
ನಿನ್ನ ಉಸಿರು ಕಟ್ಟೋ ಕೆಸರಾದೆ ನಾನು?

 ನಿನ್ನ ಬಾಳಿನ ಒಂದೇ ಗುರಿಯಾಗಿದ್ದೆ.
ಯಾವಾಗ 
ನಿನ್ನನ್ನೇ ಕೊಲ್ಲುವ ಹೆಮ್ಮಾರಿಯಾದೆ ನಾನು?

ಕೋಟಿ ಜನುಮದ ಸಂಗಾತಿಯಾಗುವ 
ಕನಸು ಕಟ್ಟಿದ್ದೆ ನೀನು 
ಕೋಟಿ ಜನುಮವಲ್ಲ,ಒಂದು ಕ್ಷಣವೂ 
ಜೊತೆಯಾಗಲಿಲ್ಲ ನಾವು.

ಕೊನೆಯಾಗಲಿ ಈ ರಾತ್ರಿ ನನಗೆ 
ಆ ಸೂರ್ಯ ನೋಡಿ ನಗಲಿ ನಾಳೆಗೆ 
ಕೊನೆಯಾಗಲಿರುವ ಆ ನಾಳೆಗೆ ಕಾದು ಕುಳಿತಿರುವೆ.
ಮರಣಕ್ಕೆ ಮಹೂರ್ತ ಬಂದಿದೆ ಅಲ್ಲವೇ 
ಮರಣವೇ ಮಹಾನವಮಿಯಾಗಲಿ ನನಗೆ 



ಮರು ಜನ್ಮವಿದ್ದರೆ ನಮಗೆ,
ಮತ್ತೇ ಕೂಡೋಣ,ಕಾದಾಡೋಣ,
ಕಾಯುವೆಯಾ ಅಲ್ಲಿಯವರೆಗೂ?
ಇರುವೆಯಾ ಕೊನೆಯವರೆಗೂ?





आँसूं




आँसूं 




यादें उसकी मिटती नहीं 
 आँसू ये रुखते नहींI 
यादों से रूठ जाऊं 
या इन आंसूओंको रोकू I 
यादें भी उसकी हैं 
आंसू भी उसीने दिए हैं I 
दिल को कैसे समझाऊँ 
अब यही तुम्हारी कहानी है 
यही तुम्हारा अफसाना है।




picture courtesy :
http://www.muddlingalongmummy.com/