ಈರುಳ್ಳಿ ಹಾಗು (ಮೊಸಳೆ) ಕಣ್ಣೀರು

ಈರುಳ್ಳಿ ಹಾಗು (ಮೊಸಳೆ) ಕಣ್ಣೀರು
***********************

ಈರುಳ್ಳಿ ಬೆಲೆ ಎರಿತು  ಗಗನಕ್ಕೆ
ಅಳು ಏರಿತು ತಾರಕಕ್ಕೆ
ಅತ್ತದ್ದು ಎಷ್ಟು ದಿನ?
ತಿನ್ನೋದು ಬಿಟ್ಟಿದ್ದು ಎಷ್ಟು ಜನ

ಅಳು ಕೇಳಿದ ಸರಕಾರ
ಹಾಕಿದ್ದು ಬರೀ  (ಮೊಸಳೆ)ಕಣ್ಣೀರು
ಗೊತ್ತಾದರೂ ಏನು ಮಾಡುವರು
ಶ್ರೀಸಾಮಾನ್ಯರು ಇವರು

ಇದೆಲ್ಲಾ ಆಗಿದೆ ಅವರಿಗೆ ರೂಢಿ
ದುಷ್ಟ ಬುದ್ಧಿಯೆಲ್ಲಾ ಕೂಡಿ
ಮಾಡಿದ್ದಾರೆ  ಇವರಿಗೆ ಮೋಡಿ
ಎಷ್ಟು ದಿನ ಈ (ಮೊಸಳೆ)ಕಣ್ಣೀರು ಕಾದು ನೋಡಿ

ಚಿತ್ರ ಕೃಪೆ ಇಲ್ಲಿ

ಸ್ವತಂತ್ರ ದೇಶ

ಸ್ವತಂತ್ರ ದೇಶ
***********
ಸ್ವಾತಂತ್ರ್ಯ ಬಂದು ಆಯಿತು
ವರುಷ ಆರವತ್ತೇಳು
ಪ್ರತಿ  ವರುಷವೂ ಆಯಿತು
ಬರಿ ಅಳುವದೇ ಈ ದೇಶದ ಗೋಳು

ಯಾರು ಬಂದರೂ ಏನೇ ಆದರೂ
ನಮಗಿಲ್ಲ ಒಂದಿಷ್ಟು ಖಬರೂ
ನಾವು ಮಾತ್ರ ಮಲಗಿದ್ದೇವೆ
ಹಾಸಿ ಹೊದ್ದು ಚದ್ದರು

ಗೆದ್ದ ನಾಯಕರಿಗೆ ಬಂದಿದೆ
ದುಡ್ಡಿನ ಅಮಲು
ಅವರಿಗೆ ನೀಡಿ
ದೇಶದ ನೇಗಿಲು
ಅದಕ್ಕೆ ಹಿಡಿಸಿದ್ದೇವೆ
ಪೂರ್ತಿ ಗೆದ್ದಲು

ಸೋತ ನಾಯಕರ ಸುಳ್ಳು
ಭರವಸೆಗಳು ಮಾಡುತ್ತಿವೆ
ಜನ ಸಾಮಾನ್ಯನ
ಜೀವನವ ಪೊಳ್ಳು

ಆದರೂ  ಆಚರಿಸಿ
ಚೆನ್ನಾಗಿ ಸ್ವಾತಂತ್ಯೋತ್ಸವ
ಯಾಕೆಂದರೆ ಸಿಗುವದು
ಒಂದು ದಿನ ರಜಾ
ಮಾಡಲು ಪೂರ್ತಿ ಮಜಾ

ಕಾಣದ ಕೈಗಳ ಆಟ

ಕಾಣದ ಕೈಗಳ ಆಟ

****************** 

ಮಧ್ಯಾಹ್ನದ ಬಿಸಿ ಊಟ 

ಸಾಕು ಮಕ್ಕಳ ಪರದಾಟ 

ನಿಲ್ಲಿಸಿ ಹೆತ್ತವರ ಗೋಳಾಟ 

ಸಾಕು ಮಾಡಿ 

ಕಣ್ಣೋರಿಸುವ ಈ ಆಟ 

ಕೊಡುವದಾದರೆ ಕೊಡಿ 

ನಮಗೆ ಕೈ ತುಂಬಾ ಕೆಲಸ 

ಮಕ್ಕಳಿಗೆ ಮೈ ತುಂಬಾ ದಿರಿಸ 

ತಿನಿಸುವೆವು ಅವರಿಗೆ ನಾವೇ 

ಪ್ರೀತಿಯಿಂದ ಬಿಸಿ ಊಟ

ಬಿಸಿ ಊಟ 

ಬುದ್ಧ, ನಾನು ಮತ್ತು ನೀನು

ಬುದ್ಧ, ನಾನು ಮತ್ತು ನೀನು 

******************

ದೇವರ ಧ್ಯಾನ ಮಾಡಿದ ಬುದ್ಧನಿಗೆ

ಸಾವಿರಾರು ಅನುಯಾಯಿಗಳು

ನಿನ್ನ ಧ್ಯಾನ ಮಾಡಿದ ನನಗೆ

ನೂರಾರು ಶತ್ರುಗಳು

ಮನಶಾಂತಿಗಾಗಿ ಮನೆಯನ್ನು ಬಿಟ್ಟ ಆ  ಬುದ್ಧ

ಪೂರ್ತಿ ಸಂಸಾರವೇ ಅವನ ಮನೆಯಾಯಿತು

ನಿನಗಾಗಿ ಮನೆಯನ್ನು ಬಿಟ್ಟ ನಾನು

ಹುಚ್ಚನ ಹಾಗೆ ಸಂಸಾರವೆಲ್ಲ  ಅಲೆದಾಡಿದೆ.

ಸಾವಿಲ್ಲದ ಮನೆಯ ಸಾಸಿವೆಯ ತರ ಹೇಳಿ

ಸಂತೈಸಿದ ಆ ಬುದ್ಧ

ನೀನಿಲ್ಲದ ಮನೆಯಲ್ಲಿ ಸಾಸಿವೆಗೂ 

ಸಾವು ಅಂದೆ ನಾನು

ಆಸೆಯೇ ದುಃಖಕ್ಕೆ ಮೂಲ 

ಉಪದೇಶಿಸಿದ ಆ ಬುದ್ಧ

ನಿನ್ನ ಜೊತೆ ಇರುವ ಆಸೆ ನನಸಾದಾಗ

ಸೇರಿತು ಉಪದೇಶ ಮೂಲೆ

ಬುದ್ಧನಿಗೆ ಜ್ಞಾನೋದಯ ಆಗಿದ್ದು

ಬೋಧಿ ವೃಕ್ಷದ  ಕೆಳಗೆ

ನನಗೆ ಪ್ರೇಮೋದಯ  ಆಗಿದ್ದು

ನಿನ್ನ ಮನೆಯ ಒಳಗೆ

ಹಣತೆ ಮತ್ತು ನೀನು

ಜಾಣೆ 

ಹತ್ತಲೇ ಇಲ್ಲ ಹಣತೆ

ಅದಕ್ಕೂ ಗೊತ್ತಾಗಿದೆ

ನೀನಿದ್ದಾಗ ಅದರ

ಅವಶ್ಯಕತೆ ಇಲ್ಲ ಎಂದು

ಸವತಿ 

ಈ ಹಣತೆಗೇನೋ ಒಂಥರಾ

ಮತ್ಸರ ನಿನ್ನೊಡನೆ

ನಾನಾರಿಸುವೇನಲ್ಲ ಅದನ್ನ

ನೀ ಬಳಿ ಬಂದೊಡನೇ

ವ್ಯತ್ಯಾಸ 

ಹಣತೆ ಉರಿಯತ್ತೆ 

ಜಗಕೆ ಬೆಳಕು ನೀಡಲು 

ನೀನು ಉರಿಯುತ್ತಿ ನಾ 

ನಿನ್ನ ಮಾತು ಕೇಳಲಿಲ್ಲ ಎಂದು

ರಹಸ್ಯ 
ಗೆಳತಿಯರೇ
ನೀನು ಮತ್ತು ಹಣತೆ
ಅದಕ್ಹೇಗೆ ಗೊತ್ತು
ನಮ್ಮಿಬ್ಬರ ಎಲ್ಲ ಮಾತುಕತೆ



ವ್ಯಂಗ್ಯ 
ಹಣತೆ ಮುಂಜಾನೆ ನನ್ನ
ನೋಡಿ ನಕ್ಕಾಗಲೇ
ತಿಳಿಯಿತು
ಅದು ಕೂಡ ರಾತ್ರಿಯೆಲ್ಲ
ಎಚ್ಚರವಿತ್ತು

ಪರಿಣಾಮ 
ದುರುದುರನೆ ನನ್ನ
ನೋಡಿತು ಹಣತೆ
ಅದಕೂ  ಕೋಪ
ನಿನಗೆ ಬೆನ್ನು ಮಾಡಿ
ಮಲಗಿದ ನನ್ನ ಮೇಲೆ

ಸಾಮ್ಯತೆ 
ಹಣತೆ ಮತ್ತು ನೀನು
ಇಬ್ಬರು ಸುಂದರಿಯರೇ
ಅದು  ದುಂಡಗೆ ಅಗಲವಾಗಿದೆ
ನೀನು ಅಷ್ಟೇ

image source: google

ಈ ಕಣ್ಣೀರು

ನಾನು ಹಿಂದಿಯಲ್ಲಿ ಬರೆದ ಕವಿತೆಯನ್ನು ಕನ್ನಡದಲ್ಲಿ ಅನುವಾದಿಸುವ ಪ್ರಯತ್ನವನ್ನು ಮಾಡಿದ್ದೇನೆ. ನಿಮ್ಮ ಅಭಿಪ್ರಾಯಗಳನ್ನು ಆಶಿಸುತ್ತೇನೆ. 

ಹಿಂದಿ ಕವಿತೆಯ ಲಿಂಕ್ : आँसूं

ಈ ಕಣ್ಣೀರು 

ಅವನ ನೆನಪುಗಳು ಅಳಿಯುವದಿಲ್ಲ 

ಈ ಕಣ್ಣೀರು ಮುಗಿಯುವದಿಲ್ಲ 

ನೆನಪುಗಳ ಜೊತೆ ಮುನಿಸಾಗಲೋ 

ಈ ಕಣ್ಣೀರನ್ನು ತಡೆಯಲೋ 

ನೆನಪುಗಳು ಅವನವೇ 

ಕಣ್ಣೀರು  ಅವನಿಂದಲೇ 

ಮನಸ್ಸೇ ಹೇಗೆ ತಿಳಿಸಲಿ ನಿನಗೆ 

ಇನ್ನು ಇದೇ ನಿನ್ನ ಕತೆ 

ಇದೇ ನಿನ್ನ ವ್ಯಥೆ

ವಾಸ್ತವ

ವಾಸ್ತವ

~~~~~ 

ಕೈ ಕೈ  ಹಿಡಿದೇ  ನಡೆದೆವು 

ಸಾಗರದ ಮರಳಿನ ಮೇಲೆ 

ಹಿಂದುರಿಗಿ ನೋಡಿದಾಗ ಕಂಡವು 

ನನ್ನ ಹೆಜ್ಜೆ ಗುರುತು ಮಾತ್ರ 

ಒಬ್ಬರಿಗೊಬ್ಬರು ಅಂಟಿಯೇ 

ನಿಂತಿದ್ದು ಕನ್ನಡಿಯ ಮುಂದೆ 

ಪ್ರತಿಬಿಂಬದಲ್ಲಿ ಕಂಡಿತು 

ನನ್ನ ದೇಹ ಮಾತ್ರ 

 ಕೂಡಿಯೇ ಕನಸು ಕಂಡೆವು

                                ಪ್ರತಿ ಕ್ಷಣ ಜೊತೆಗಿರುವೆವೆಂದು 

                                 ಎಚ್ಚರವಾದಾಗ ಉಳಿದಿದ್ದು 

                                     ನಾನೊಬ್ಬಳು  ಮಾತ್ರ 

                                         photos:google source

???

         ???

         

ನೀ ನನ್ನ ಜೊತೆಗಿದ್ದರೆ 

ಈ ಜಗತ್ತನ್ನೇ ಗೆಲ್ಲುವೆ 

ಅಂದಿದ್ದ ಆ ಹುಡುಗ 

ವಿಷ ಸೇವಿಸಿದ್ದು ?

ಅವಳು ಬೇರೆಯವರ ಸ್ವತ್ತು 

ಎಂದು ಗೊತ್ತಿದ್ದೂ 

ಅವಳನ್ನೇ ಜೀವಕ್ಕಿಂತ

ಹೆಚ್ಚಾಗಿ ಪ್ರೀತಿಸಿದ್ದು?

ನೀನೆ ನನ್ನ ದಾರಿ ದೀಪ 

ಅಂದ ಆ ಹುಡುಗಿ 

ಬೇರೆಯವನ ಬಾಳಿನ 

ನಂದಾ ದೀಪವಾಗಿದ್ದು ?

ತನ್ನ ತನು ಮನವನ್ನು 

ಇವನಿಗರ್ಪಿಸಿ 

ಪೂರ್ತಿ ಜೀವನವನ್ನೇ 

ಬೇರೆಯವನಿಗೆ ಕೊಟ್ಟದ್ದು?

ख्वाहिश

ख्वाहिश

दिल में एक ख्वाहिश है, 

सिर्फ एक बार मिल जाए वो

मेरी आखरी सांस लेने से पेहले ,

नहीं मरना चाहती हूँ उनसे 

माफ़ी मिलने  से पहलेI 

ಈ ಜೀವನ

ಈ ಜೀವನ 
*******
ಬರೆದ ಸಾಲುಗಳ ಶಬ್ಧಗಳ ನಡುವೆ ಇರುವ ಖಾಲಿ ಜಗದ ಹಾಗೆ 
ಈ ಜೀವನ 
ಪೂರ್ಣ ವಿರಾಮವಿಲ್ಲದೆ ಬರೀ ಅಲ್ಪ ವಿರಾಮವಾಗಿದೆ 
ಈ ಜೀವನ 
ಈ ಖಾಲಿ ಮತ್ತೆ ಅಲ್ಪ ವಿರಾಮಗಳಿಂದ 
ಮುಕ್ತಿ ಸಿಕ್ಕಾಗಲೇ ಪೂರ್ಣ ವಿರಾಮವಾಗುವದು 
ಈ ಜೀವನ