ಕನ(ನ)ಸು

ಕನ(ನ)ಸು 

ನಿನ್ನ ಕನಸುಗಳನ್ನು ಜೀವಿಸಿ,

ಆಶಿಸಿ, ಹಾತೊರೆದೆ 

ಅವು ನನಸಾಗಲೆಂದು;

ಗೊತ್ತಿರಲಿಲ್ಲ,

ನೀನು ಕನಸುಗಳಲ್ಲೇ 

ಮಾತ್ರ ಜೀವಿಸುವವ,

ಹೊರ ಲೋಕದ

ಅರಿವು ನಿನಗಿಲ್ಲವೆಂದು.

ಕ್ಷಣ ಕ್ಷಣ

ನೀನೊಲಿದ ಆ ಕ್ಷಣದಿಂದ; 

ನೀ ಜೊತೆಗಿರುವ ಈ ಕ್ಷಣದವರೆಗೂ; 

ಮುಂದೆ ನೀನಿಲ್ಲದ ಆ ಕ್ಷಣದಲ್ಲೂ; 

ನಿನ್ನ ಹೆಸರೇ ನನ್ನುಸಿರು ಪ್ರತಿ ಕ್ಷಣದಲೂ. 

ಮಹಲ್

ಇದು ಪ್ರೀತಿ

~~~~ ~~~

ನಾ ಸತ್ತ ಮೇಲೆ ಬೇಡ

ನನಗೊಂದು ತಾಜ್ ಮಹಲ್;

ನಾನು ಮುಮ್ತಾಜ್ ಆಗಲೊಲ್ಲೇ, 

ನಿನ್ನ ಮನಸಿನ ಏಕೈಕ

ಪ್ರೀತಿ ನಾನಾದರೆ ಸಾಕು. 

ಇದು ಜೀವನ

~~~ ~~~~

ನಾ ಸತ್ತ ಮೇಲೆ ಬೇಡ

ನನಗೊಂದು ತಾಜ್ ಮಹಲ್

ನೀ ಸಾಯುವ ಮೊದಲು ಕಟ್ಟಿಸು

  ನನಗೆಂದು ಮೂರಂತಸ್ತಿನ ಮಹಲ್ 

ಚಿತ್ರಕೃಪೆ : ಅಂತರ್ಜಾಲ

एहसास

हर एक सांस जब है 

उनके पास;

कुछ भी लगता है 

नहीं ख़ास। 

बनके रह गये है 

सिर्फ एक एहसास;

जीने का नहीं है 

एक पल का भी आस। 

चित्र सौजन्य http://nwair55.deviantart.com/art/a-far-away-dream-189445244

ಹೊಸ~ಹಳೆ

ಹೊಸ~ಹಳೆ

********

ಬೆಸೆದಂತೆ ಹೊಸ

ಸಂಬಂಧಗಳು

ಕಳಚದಿರಲಿ

ಹಳೆ ಕೊಂಡಿಗಳು

ಮೂಡಿದಂತೆ ಹೊಸ

ಆಸೆಗಳು

ಬಾಡದಿರಲಿ

ಹಳೆ ಕನಸುಗಳು

ಬಂದಂತೆ ಹೊಸ

ವರುಷಗಳು

ಮರೆಯದಿರಲಿ

ಹಳೆ ಹರುಷಗಳು