ಸೋಲು

ಕತ್ತಲವ ನುಂಗಿದ 

ಬೆಳಕಿನ ಅಹಂಕಾರ 

ಸೋತಿತು  ಮತ್ತೆ

ಇರುಳು ಆವರಿಸಿದಾಗ

  ಸೊಕ್ಕಿನಿಂದ 

 ಮೆರೆಯುತ್ತಿದ್ದ ಇರುಳಿಗೆ 

ಸಾಕಾಯಿತು ಬೆಳಕಿನ 

ಒಂದೇ ಕಿರಣ

ಛಾಯಾ ಚಿತ್ರ ಕೃಪೆ : ಅಂತರ್ಜಾಲ 

 

ಕನ್ನಡವ್ವನ ಸೀರೆ

ಕನ್ನಡವ್ವನ ಸೀರೆ

ನನ್ನ ಕನ್ನಡವ್ವನ ಸೀರೆ ಹರಿದು ಹೋಗಿದೆ 

ನಾವೆಲ್ಲ ವಲಸೆ ಹೋಗಿ; 

ಇದ್ದಲ್ಲೇ ಅವಳ ಮರೆತು, 

ಅನ್ಯ ಭಾಷೆಯ ತೇಪೆ ಹಚ್ಚಿ ಹೊಲಿದರೆ 

ಚೆಂದ ಕಾಣಿಸ್ತಾಳಾ ನಮ್ಮವ್ವ ?

ಅವಳಿಗೆ ಬೇಕು ಹೊಸ ಸೀರೆ ತನ್ನದೇ 

ನೋಯಿಸಬೇಕೆ ಅವಳನ್ನ?

ಕೊಡಲಾಗದೇ ಅಷ್ಟು ಕೂಡ 

ಕನ್ನಡದ ಮಕ್ಕಳು ನಾವು; 

ಅವಳ ಋಣ ನಮಗೆ ತೀರಿಸಲಾಗದೇ?

ಮುಗಿಯಿತು ನವೆಂಬರ್ 

ಕಾಯಬೇಕಾ ಅವಳು 

ಮತ್ತೆ ಒಂದು ವರುಷ?

ಬಳಿಸಿ ಕನ್ನಡ ಪ್ರತಿಕ್ಷಣ;

ಸಿಂಗರಿಸಿ ಅವಳನ್ನ 

ನಾವು ಪಡಬಾರದೇ ಹರುಷ?

ಕಾಲ ದೀಪ

ಕಾಲ ದೀಪ 

ಸೂರ್ಯನ ಹಿಂದೆ ದೀಪ ಹಚ್ಚಿ
ಹಬ್ಬ ಮಾಡುವದನ್ನು ನೋಡಿ
ಆ ಚಂದಿರ ನಕ್ಕನಂತೆ
ದೀಪ ಹಚ್ಚಲು ಕತ್ತಲೆಗೆ ಕಾಯಬೇಕೇ?

ಬಾಳ  ಬೆಳಗಲು ಸಮಯ ನೋಡಬೇಕೇ?

ಹಚ್ಚಿದ ದೀಪ ಆರದೇ ?

ಸಮಯ ಸರಿದರೆ ಬರುವದೇ?

ಕಳೆದು ಹೋಗಿದೆ

ಕಳೆದು ಹೋಗಿದೆ
************

ಕಳೆದು ಹೋಗಿದೆ

ಹುಡುಕಿ ಕೊಡಿ

ಬಹಳ ಬೆಲೆಯುಳ್ಳದ್ದು

ಸಿಕ್ಕರೆ  ದಯವಿಟ್ಟು ತಿಳಿಸಿಬಿಡಿ

ಅವರು ಮಾತಾಡೋದು ಎನ್ನಡ ಎಕ್ಕಡ

ಇವರು ಮಾತಾಡೋದು ಕಹಾನ್ ಕಿಧರ್

ಎಲ್ಲರೂ ಕೇಳೋದು ಹೂ ಆರ್ ಯು ಡಿಯರ್

ಕೊನೆಗೆ ಯಾರೋ ಹೇಳಿದರು

ನಾಳೆ ನವೆಂಬರ್ ೧

ನಾಳೆ ಮಾತ್ರ ಸಿಗತ್ತೆ
ನಾಳೆ ಮಾತ್ರ ಕೇಳಿಸೊತ್ತೆ

ಬೇಗ ಹೋಗಿ ಹಿಡ್ಕೊಳ್ಳಿ

ಇಲ್ಲ ಪೂರ್ತಿ ವರ್ಷ ಹುಡ್ಕೊಳ್ಳಿ

ವೈರುಧ್ಯ

ವೈರುಧ್ಯ

*****

ಕಡಿಮೆ ಅಂಕ ತಗೆಯೋ ದೊಡ್ಡವಳಿಗೆ :
ಆ ಪಕ್ಕದ್ಮನೆ ಹುಡುಗಿ ಜೊತೆ ಓದು,
ಅವಳ ಜೊತೆ ಇರು,
ನಿನಗೂ ಒಳ್ಳೆ ಅಂಕ ಬರತ್ತೆ;
ಜಾಸ್ತಿ ಅಂಕ ತಗೆಯುವ ಸಣ್ಣವಳಿಗೆ :
ನಿನ್ನ ಆ ಗೆಳತಿ ಜೊತೆ ಬಹಳ ಆಟ ಆಡಬೇಡ,
ಅವಳು ದಡ್ದಳು, ನೀನು ಹಾಗೆ ಆಗ್ತಿಯ!!!!